كنت مخطوبة

حاجه
ولو تيسيري عليك م البدايه كان سبب ف استهوانك بيا دلوقت ف انا قيمتي هحفظها بثباتي ع حقي اين كانت النتيجه.
والده كلمني النهارده الصبح وقالي زعلانه ليه
قولتله عشان مبقتش مطمنه للي بيحصل لما اكون انا البنت والتزم باتفاقي والراجل يغير كلامه يبقي مطمنش ولا اثق ف اي حاجه
ولما اكون شاريه بأقل الامكانيات ويتنسي اني بنت أصول وشبعانه والاقي استهتار ف حقي مقابل ده يبقي انا مش هقبل بالتقليل م حقي
واللي هيشتريني هشتريه غير كده مبقاش فيه.
التاني كلمني وقالي الظاهر اننا مبقناش متفاهمين وأنا لو مش مقدرك مكنتش كملت لحد هنا
قولتله ادخل ف الموضوع علطول
قالي كل واحد يروح لحاله قولتله ابعت حد ياخد حاجتك وكل شي قسمه ونصيب
لقيته اتحول ويزعق ويقولي انتي بيعاني الظاهر ان فيه حد ف حياتك
انا هنا اتحولت
قولتله لا لو كنت شفتك راجل كنت اشتريتك ولو عشت عمرك كله بتحاول تتعلم الاحترام مش هتعرف تلاقي مثال لنفسك تتعلم منه غيري
انت فايتك الادب والأصول هبعتلك منهم شويه مع حاجتك يمكن يعلموك تبقى راجل وقفلت ف وشه.
طبعا كلمت اخته وقولتلها تعالي خدي حاجتكم وكنت استلفت منه ف ظرف طارئ 5 الاف لحد نهاية الشهر ده
ومكنش معايا منهم ولا مليم كلمت بنات صحابي بعتولي 4 الاف وادتهم لاخواته مع الحاجه
بعتلي رسايل بعدها شتمني بأمي وقلة ادب لا متناهيه
كلمت والده وقولتله انا هروح أعمل فيه محضر ومحدش يلومني بعد كده
قالي معلش حقك عليا وانا هجيب ليكي حقك م ساعه كنت بلكته م كل حته
بعتلي م رقم غريب
وقالي الالف جنيه قصادها فضيحتك ف البلد وهقولهم انك مدوراها وعايشه دور الشرف ع الناس
انا اخدت اسكرينات وهو مسح الرسايل بعدها ف مش عارفه دلوقت المفروض اتصرف ف اللي جاي ازاي
او أعمل إيه
واللي باقي له مش معايا ومش هقدر اتصرف فيه دلوقت
وعاوزه اخد حقي ع غلطه فيا وف امي
وف نفس الوقت الناس ما بتصدق تلاقي مشكله يتكلموا عليها ويشمتوا ويفضخوا ف بعض
وأنا مش عاوزه سيرتي تيجي ع لسان حد لا بحلو ولا وحش!
عايزة اعرف رايكم