اتجوزت في بيت عيلة
المحتويات
لحضرتك المعاد مع السلامه
قفلت معاها وتانى يوم وصلت المستشفى ولما قالت اسمها لموظف الاستقبال الموظف قالها ان فى حد بيسأل عليها وقايل لو شفتوها نكلمه
إيلاف سابتله فلوس وقالتله يتصل بيه يعرفوا وكانها متعرفش حاجه وفعلا الموظف اتصل بصفوان وبلغه
ولما شافت ايلاف صفوان كرمشت وشها وعملت انها تفاجئت
End flash back
الدكتوره ازيك يا إيلاف عامله ايه والبيبى عامل معاكى ايه
إيلاف الحمد لله بقيت افضل وأعراض الوحم راحت بس بحس وقالتلها كل الأعراض
الدكتوره ده طبيعي جدا في الحمل اهم حاجه تاخدى الفيتامينات بانتظام ويلا بينا عشان نطمن على البيبى
طلعت ايلاف على سرير الكشف والدكتوره كشفت عليها بالسونار
الدكتوره البيبى وضح نوعه اهو انت عايزه ايه يا استاذ صفوان
صفوان كل اللى يجيبه ربنا كويس
الدكتوره لصت لايلاف وهى كانت عارفه انها متأخره في الحمل وكانت مدياها قبل السفر
إيلاف مش عارفه ساعات بحس انها بنت وساعات ولد
الدكتوره احساسك صح هما توئم بنت وولد
إيلاف بتبصلها وهى معيطه الحمد لله الحمد لله
الدكتوره اه توائم ولد وبنت قدامى اهو وده يخليكى تهتمى باكلك وصحتك اكتر عشان فى اتنين مش واحد
صفوان طبعا يا دكتوره اكيد هنهتم باكلها وصحتها وخرجوا من عند الدكتورة
صفوان اخد ايلاف وعزمها فى مطعم كباب وكفته مشهور وطلبلها كل انواع الأكل عند المطعم
صفوان كلى براحتك والباقى خديه اتعشى بيه سمعتى الدكتوره قالت ايه اهم حاجه صحتك
إيلاف بصتله وبدات اكل بدون كلام ولما خصلوا اكل اخدها وقاعدوا في كافتريا هاديه عشان يتكلموا سوا
صفوان ايلاف انا عارف انى غلط لما مديت ايدى عليكى حقك عليا انا اول مره فى حياتى حد يكلمنى كده
صفوان عندك حق فى كل اللى بتقوليه انا مش هجادلك وياستى قولى شروطك كلها وانا هوافق عليها
إيلاف شروطى صعبه يا صفوان
صفوان الغالى يرخصلك يا ايلا
إيلاف انا مش قادره اتقبل فكره انى ارجعلك تانى وفى واحد تانيه على زمتك حاولت اتقبل الوضع صدقنى مقدرتش
إيلاف طيب هتفضل في الوضع ده كده ظالم نفسك وظالمها معاك متنساش انها حامل يعنى بقى صعب الطلاق خصوصا انها مطلبتش الطلاق
صفوان هخيرها هقولها انى مش هقدر اديها حقوقها كزوجه لكن هصرف عليها وعلى ابنى ومش هخليهم محتاجين حاجه ووقت ماتحب تتطلق هطلقها لكن انا مش قادر اقرب منها حاولت مقدرتش ومش هقدر
إيلاف انا مش هقبل اكون زوجه فى السر تانى
صفوان من غير ماتقولى الناس كلها عرفت انك مراتى يا إيلاف
إيلاف مش هرجع اعيش في البيت اللى فى مامتك تانى
صفوان من غير ماتقولى امى لما عرضت عليا انا رفضت وقولتلها اللى حصل زمان عمرى ما هكرره تانى عندك مره اهى اعملى معاها اللى انتى عايزاه انتى فى الاول والاخر خالتها
ها يا ستى راضيه بقى ترجعى بيتك وتعرفينى
كنتى قاعده فين الفتره اللى فاتت دى كلها
ايلاف حكتله كل حاجه والمكان اللى هى قاعده فيه وراح وصلها واخد شنطه هدومها ومشى وكانت باعته رساله لناديه عشان تمشى قبل ما صفوان يروح ويشوفها ويعمل مشكله معاها انها معرفتوش
رجعت إيلاف بيتها وكل يوم صفوان يخلص شغل ويطلع عليها لحد ما فيوم امه كلمته وطلبت منه انه يجيلها هو وايلاف طبعا صفوان رفض لكن امه اصرت انها تكلم ايلاف
ام صفوان الو ازيك يا ايلا عامله ايه
إيلاف الحمد لله انتى عامله ايه
ام صفوان الحمد لله بصى يا إيلاف انا عارفه انك بنت اصول ومش هتكسفينى انا عايزه اشوفك صدقيني انا مش عايزه حاجه غير انى اشوفك
إيلاف قالتلها حاضر بكره هنعدى عليكى وقفلت معاها
صفوان ايلا اوعى تكون ضغطت عليكى
إيلاف لا ماتخافش هى طلبت انها تشوفنا بس وانا قلتلها هنعدى عليها بكره
صفوان تمام وفرصه اكلم مروه والكلام يكون قدامك
عدا اليوم وتانى يوم بعد المغرب صفوان اخد ايلاف عشان امه تشوفها وطبعا كان باين عليها الحمل اول مادخلت حماتها وعيطت
ام صفوان حقك عليا يابنتى انا غلطانه انا عرفت قيمتك بس متأخر انا عارفه انك كنتى معتبرانى امك وانا عمرى ماعتبرتك بنتى استاهل ان صفوان يبعد عنى انا السبب لو كنت اتقيت ربنا مكنشتوش بعدتوا عنى
إيلاف صفوان مايقدرش يبعد عنك ومن وقت للتانى انا وهو هنيجى نزورك وكل جمعه هنتغدى معاكى انما انا مش هقدر ارجع واعيش هنا تانى وخصوصا لو ليا ضره هنا فى البيت واثناء حديثهم دخلت مروه وراحت تسلم على صفوان صفوان سلم عليها برسميه
مروه هو ده سلامك عليا يا صفوان بعد الغيبه دى كلها الله يرحم لما اتقدمتلى زمان ورفضتك وكنت ھتموت عليا نسيت الجوابات والرسايل اللى كنت بتبعتهالى ولما رجعت من السفر اوام جريت عليا عشان ترجع اللى ماعرفتش توصله زمان ولما بقيت فى ايدك تعمل معاياةكده
كان عندى حق لولا خالتى اللى فضلت تزن عليا مكنتش فكرت اتجوزك
ازيكم نجماتى اتمنى تكونوا بخير وميرسى على التفاعل اللى بيزيد واتمنى ان الرواية تكون عجباكم
البارت العاشر
بعد ما مروه خلصت كلامها عشان تشكك ايلاف فى صفوان جه صفوان عشان يرد عليها لكن ايلاف وقفته
إيلاف بصى يا مروه انا لما رجعت لصفوان كنت راجعه وانا عارفه انك لسه على زمته يعنى وجودك من عدمه صدقيني مبقاش فارق معايا كنت فاكره نفسى انه فارق لكن بكلامك دلوقتي ده صدقينى وجودك على زمته او عدمه واحد بالنسبالى عشان انا كده اتاكدت من حاجات كنت شاكه فيها وبصت لصفوان
على فكره يا صفوان انا معنديش مشكله تفضل مروه على زمتك وعشان كمان متعبكش بينى وبينها انا هرجع اقعد في شقتى تانى هى لسه زى ماهى
ام صفوان اه يا حبيبتي زى ماهى صفوان كان رافض حد يدخلها او حتى ينضفها هى محتاجه نضافه بس
إيلاف بصت لصفوان خلاص يا صفوان هبعت اجيب ناديه ومن بكره تشوف واحده معاها وتنضفها
ام صفوان مين ناديه دى
إيلاف دى واحده صفوان كان جايبهالى عشان تساعدنى فى شغل البيت
مروه بقت تبص ليهم بغل عشان جبلها شغاله وشايفه خالتها بقت فى صف إيلاف
صفوان بقى واقف محتار يا ترا إيلاف تقصد ايه صدقت كلام مروه وحبت تغيظها ولا دماغها فيها ايه
قاعدوا كلهم مع بعض وصفوان بعت يجيب عشا عشان يتعشوا لان كل واحد بتزايد على التانيه وطبعا مش هيسمح لامه انها تخدمهم واخد إيلاف ومشى وهما فى العربيه
صفوان ليه وافقتى انك ترجعىى تعيشى فى بيت العيله من تانى مش انتى كنتى معترضه
إيلاف بص يا صفوان عشان اكون صريحة معاك انا الاول كنت قلقانه إن يكون لسه في مشاعر من ناحيتك اتجاه مروه لكن بعد اللى حصل انهارده اتاكدت انك فعلا بتحبنى ولو مروه خلفت الطفل الصغير ده هيتظلم في النص ومهما كان ده اخو او اخت ولادى انا حطيت نفسى مكانها لحظه ومنكرش انها صعبت عليه وبرضه حسيت ان مامتك اتغيرت والكلام اللى بتتكلمه من قلبها فعلا
عشان كده انا عايزه اعيش في وسط عيله لو حصل حاجه الاقى ولادى جمبى وبالنسبالك انت بس اللى تقدر تحل مشكلتك مع مروه اه هبقى متضايقه وموجوعه في اليوم اللى هتروحلها فيه بس دى للاسف غلطتك ولازم تحلها وانا مقدرش اشيل زمبها عشان كده مش عايزه افتح موضوعها تانى
صفوان انتى عندك حق امر واقع للأسف حطيت نفسى فيه وايامها اللى هكون عندها فيها هتكون تقيله على قلبى
بقولك طيب انا عندى اقتراح لما ناديه تيجى وتخلص الشقه انا هخليها تقعد عند ماما تحت وتبات معاها وتعمل الغدا عندها لو انتى حبيتى انها تساعدك كلميها وتطلعلك وقت ماتعوزيها انتى كده كده مكنتيش بتخليها تعملك غدا فلما تخلصى غدا تطلع تنضف الشقه وتروق المطبخ وتنزل لماما تشوف طلباتها ايه رايك وبالمره تبات معاها عشان نكون انا وانتى على راحتنا
إيلاف مافيش مشكله اصلا انت كنت جايبها عشان مكنش لوحدى لكن انا دلوقتي مش هكون لوحدى
تانى يوم فعلا نفذوا اللى اتفقوا عليه ورجعت تانى ايلاف بيت العيله واجرت الشقه بتاعتها اللى كانت مستخبيه فيها بملغ كبير وبقت تحول فلوس ايجارها للبنك عشان تقدر تحوش فلوس ليها غير مصروفها اللى بقت تاخده من جوزها
ام صفوان اتغيرت ٣٦٠ درجة مع إيلاف خصوصا انها عرفت انها حامل في توأم
وصفوان قسم الاسبوع بين إيلاف ومروه وفى ايام مروه كان بيديها فلوس قبلها عشان تنزل تشترى حاجه البيبى وكانت مروه بتحب تروح مع مامتها فكانت بتبات بره كتير اهم حاجه ان صفوان يديها فلوس وصفوان كان بيديها اللى هى عايزاه عشان تبعد عنه اهم حاجه انها تكون بعيدة عنه لانه شايفها عقاپ بيدفع تمنه وكانت إيلاف أغلبية الوقت فى شقتها وبتنزل لحماتها وقت الغدا وتطلع تستنى صفوان تتعشى معاه وكانت لازم تصحى يدرى تعمله فطار ياخده معاه حنى لو بايت عمد مروه كان بينزل يفطر معاها وياخد الاكل بتاعه لان مروه بتصحى متاخر
عدا شهرين على الوضع ده كانت كل من مروه وايلاف بقوا حوامل فى الشهر السابع
وفى يوم كان صفوان أجازه وكانوا بيتغدوا كلهم عند مامته على السفره وطبعا هو قاعد على راس الترابيزه وايلاف على اليمين ومروه على الشمال وكل واحده بطنها ظاهره بس ايلاف بطنها كانت اكبر وامه كانت قاعده قدامه من الناحية التانيه على السفره وأثناء الغدا صفوان كان بيكلم مروه
صفوان صحيح يا مروه لحد دلوقتي معرفتيش نوع البيبى ايه كل اما اسالك تقولى مش باين ليه
مروه بيكون نايم على بطنه على المشيمه المفروض فى زيارة انهارده هعرف
صفوان خلاص هاجى معاكى انهارده بس ايه رايك اخدك عند الدكتورة اللى بتابع معاها ايلاف واضح انها دكتوره ممتازه كملى متابعه معاها وابقى اخدكم انتوا الاتنين
مع بعض بعد كده
مروه بصت على إيلاف بطرف عنيها عشان تغيظها ان صفوان مهتم بيا زى ماهو مهتم بيكى وفى دماغها ان صفوان هيقبل بوجودها في حياته وهتبقى امر واقع زيها زى ايلاف خصوصا ان قدامها
بيحاول تكون المعاملة واحده تجنبا لحدوث مشاكل او غيره بينهم وبيحاول يعدل فعلا لكن ڠصب عنه قلبه ميال لايلاف
مروه مسكت ايده وباسته من خده
مروه انت ماشفتش
متابعة القراءة
