اغرب من الخيال
المحتويات
٢ والأخير
ايه اللي أخرك مش قولتلك تودي الكيس وترجع علطول
كان بيكلمني وبيشاورلي بس مش سامع حاجة حاولت استنتج منه كام كلمة لحد ما قدرت نوعا ما افهم هو قالي ايه علشان كدا قولتله بعد ما اتأكد
بتقول ان عيال الراجل العجوز قالولك تعالى اطلع العب معانا
لما هزلي راسه اټرعبت وحذرته من انه يطلع لهم ولا يفكر حتى انهم موجودين كنت خاېف عليه خوف بديهي لاني لما طلعت الجو مكنش طبيعي
كان يوم صعب عليا لاني حرفيا مكنتش سامع أي حاجة غير صوت الصفارة المزعج بس
كان في زبون كل يوم بياكل من عندي قبل ما يروح شغله مكنتش عارف عنه اي تفاصيل غير اسمه وانه كان ساكن في نفس العمارة بس مش عارف في الدور الكام خصوصا انها عمارة من ٧ أدوار وكل دور على شقتين
لما طلع من العمارة وشوفته جاي عليا كنت شايف في ملامحه نظرة قلق كان مرتبك بشكل ملحوظ ووشه أصفر قولت ليه وهو جاي
وبدأت فعلا أجهزله الطلب حوالي دقيقة كدا لقيت فهد بيمسكني من ايدي ولما بصيت له شاور لي على عمر لما بصيت كان بيكلمني وبيعمل بإيده حركة اني أروح له سيبت اللي في ايدي وروحت بعدنا شوية عن العربية والعمارة وقبل ما يكلمني قولت له
سامحني يا أستاذ عمر انا بس مش سامع كويس
طلع من جيبه نوتة صغيرة وسابهالي ومشي مسكتها وانا بتابعه بعيني بإستغراب
مشي ورجعت انا للعربية وحطيت النوتة في مكان بعيد يا دوب الضهر أذن ولمېت الحاجات بس كان في دماغي موضوع النوتة اللي معرفتش افتحها علشان ضغط الشغل
لما رجعت البيت واترميت على السرير فتحت النوتة وكان مكتوب فيها الأتي
ان الراجل ده مېت من سنين هو وولاده متتفاجئش زي مابقولك كدا وزي ماقريت بالظبط!
كان راجل بخيل وجلده العيال لما كانوا بيتحبسوا كنا نسمعهم بيصرخوا ومكناش بنقدر نتكلم لانه كان مچنون وفي مرة لما اتلمينا علشان نلحقهم طلع لنا بشومة وكان هيعور استاذ نور اللي في التالت ولما سيبناه وفضلنا نسمع اصواتهم بيصرخوا فجأة وبعد كام يوم لا حس ولا خبر وشمينا ريحة وحشة جوة الشقة بلغنا البوليس ولما جم لقوهم كلهم ميتين الراجل وولاده الأربعة!
كان سبب في مۏت ولاده بإنه كان دايما يحبسهم في الحمام لحد مماتوا جوة كلهم بسببه موتهم كلهم كان لغز كبير للبوليس ولينا
متابعة القراءة
