روايه جديدة

وهاتيه القسم اللي هناك ده عشان هندخله لهادي بيه لازم يكون نضيف تمام.
تقي حاضر ماشي بس استني حضرتك خده انت مش هينفع اسيب الدكن ده وكمان انا مش بخدم حد.
امين محمد لا تعالي انتي ثم انتي فاتحه الدكنه عشان تودي طلبات يعني عشان اكل عيشك لازم تخدميه عادي جدا ما انا عشان شغلي جيت اطلبها لهادي بيه هسيبك انا ومتاخريش القهوه...سابها امين محمد ومشي..
تقي لنفسها بحزن..علي رايك لازم اخدم اكل عيشي المهندسه تخدم حسبي الله في ابويا وفي مراته..
بعد شويه خلصت تقي القهوه وشالتهاا لحد القسم ..
دخلت تقي وقبلت عسكري 
تقي لو سمحت فين مكتب هادي بيه
العسكري علي ايدك الشمال.
دخلت تقي جوه وفتحت الباب ودخلت.. كان هادي ماسك ورق بيبص فيه...
تقي بتوتر القهوه حضرتك
هادي بصلها انها دخلت ومدقتش الباب..
هادي بجديه مدقتيش الباب ليه.
تقي بتنهيده وحاطه وشها في الارض اسفه .
هادي انتي بتشتغلي في قهوه المفروض مش راجل اللي بيشتغل.
تقي معلش الزمن بقي عايز كده اتفضل قهوتك اهي خليني امشي
اتفضل قهوتك اهي ...راحت تقي تحط القهوه ايدها اتهزت واتكبت علي هادي.
هادي بعصبيه حاسبي القهوه اتقلبت عليا لما مبتعرفيش تشتغلي الشغاله دي كنتي بتشتغلي فيها ليه.
تقي بلهفه اسفه والله .
هادي بعصبيه اسفه ايه بس ابعدي عن وشي الساعه دي.
تقي بلهفه مسكت منديل همسحهالك اوي.
هادي بعصبيه قولت ابعدي عني.
دخل امين محمد ..
امين محمد پصدمه ايه ده ياتقي اللي عملتيه ده.
تقي بدموع محپوسه مش قصدي والله.
هادي پصدمه اسمك تقي
تقي هزت راسها ودموعها نزلت وطلعت تجري.
امين محمد اكيد مش قصدها يا هادي بيه.
هادي بعصبيه روح دلوقتي .
امين محمد طب المحاضر اهي.
هادي قولتلك سيبهم وامشي.
خرج امين محمد..
وهادي مسك دماغه بۏجع واتفكر الاءء وهياا بتقوله..حبيبي امنيتي اتجوزك و نجيب بنوته نسميها تقي هادي النجار هبقي فرحانه اوي..
هادي بۏجع خبط المكتب بي ايده ..الاءء ياحبيبتي البحر اخدك مني بدري .
عند انس النجار..
انس بعصبيه بقالك ساعه قاعد تتزوق ناقص تحط روج لما اخرتناا.
بلال يوووه ما احنا قودم الفيلا اهوو وبعدين انا طول عمري لازم امشي شيك مش ذنبي ان اللي هتجوزها معفنه يعني.
انس اخرس ولم لسانك ولما تدخل تصلحها حلو فاهم
بلال عنياا رن الجرس بقي.
انس مش لما تنزل من العربيه ياا اخوياا ..
نزل انس وبلال ماشي ورا يظبط فهدومه اللي عبره عن بنطلون جينز وتيشرت
اسود و نضارته سوده والبرفان...
رن انس باب الفيلا .
شويه وممدوح فتح..
ممدوح بستغراب انس كنت لسه هتصل بيك اني اتاخرت النهارده.
انس انا اصلا مروحتش الشغل قولت اجيب بلال يعتذر من شهد..بس ياريت تكون موجوده .
ممدوح اتفضلو اكيد لسه فوق بس فايزه راحت شغلها اتفضلو هتقفه من علي الباب كده..
انس بتنهيده تمام تعالي يا بلال..
دخل انس وبلال قعدو في الصالون
بلال بضحك

فيلا مسترجله.
انس عقبال ما تسترجل زيها.
بلال الصبر هفجئك..
شهد بضيق يوووه ايه جاب المتخلف ده هنا علي الصبح..
ممدوح بجديه انتي الغلطانه متجننيش بقي وبعدين ضربتيه وجاي يصلحك.
شهد لنفسها يخربيت دماغه يعني يستفزني بالليل ويجي يعمل قصادهم البرئ ماشي .
شهد بضيق حاضر يا بابا اتفضل اما نشوف اخرتها..
نزل ممدوح ومعاه شهدد.
بلال لانس الحق يابابا سعاد الهبله اللي بټضرب الناس بطوب نازله اهي..
انس بيجز علي سنانه اخرس خالص.
انس ازيك ياحبيبتي.
شهد ابتسمت الحمدلله وانت يا اونكل..
انس الحمدلله جينا عشان لو بلال زعلك في حاجه يصلحك ..اعتذر منها يا بلال.
شهد ملوش لزوم عادي .
بلال اهي قالتلك عادي يلا نمشي بقي.
انس لا صلحها يلا اخلص..
بلال الرائد شهدد الشافي اناا جيت اقولك اسف ..وعايز اقولك مش ممكن اعيش من بعدك ده خيالك جمبي ليلاتي وبقول لو ربنا ياخدك ..
شهد بعصبيه بتقول ايه.
بلال كنت اعمل ايه ياحياتي.
ممدوح ههههه 
شهد پغضب انت جاي تتريق علي الصبح..
بلال بغنيلك انتي اللي جاهله في الرومانسيه اعملك ايه.
شهد محدش قالك تغني يا اخي.
بلال لانس شايف يلا نمشي بقي انا ماشي..بس يكون في علمك يابابا اني جيت عشان مش عشان سعاد الهبله دي بعد اذنكم.
شهد لممدوح بابا ده يقصد سعاد الهبله انا صح!!
ممدوح لا يقصدني انا اطلعي انتي خلاص بقي.
انس ممدوح هشوفك في الشركه لازم امشي دلوقتي.
الحلقه الرابعه 
في بيت هشام ...واقف يتكلم في التلفون علي جمب بهمس..
هشام بلهفه بتقولي ايه ياسلمي الحمل تعبك ازاي مش الدكتور ممشيكي علي برشام يريحك
سلمي حبيبي طول الليل بمۏت ومش عارفه اكلمك عشان قولت انت في بيتك التاني وقولت استحمل لما تتصل انت..
هشام بتنهيده حبيبتي قلقتيني اكتر طب بصي احسن ايه رايك نعمل اللي اتفقنا عليه هبقي مطمن عليكي اكتر..
سلمي تقصد ايه تجبني عند فاطمه مراتك
هشام مفيش غير الحل ده انتي ملكيش حد وكدا هكون في الشغل وانا مطمن.
سلمي بتوتر هتقولها انا مين بقولك بلاش احسن ياحبييي!!
هشام مټخافيش ياحبيبتي مش هتعرف حاجه هقولها انك كنتي مرات ظابط صاحبي وكده واټوفي وانتي حامل وملكيش حد فاطمه قلبها كبير مش هتضايقك ابدا اهلها بس اللي بيجولها كتير وعادي لما اكون في الشغل تكونه سوه..
سلمي بتوتر ماشي طب انا وانت علاقتنا ازاي هتكون وانا هستحمل ازاي اشوفك معاها..
هشام علاقتي معاكي اكيد هيا هتنام ولا اي ولا هتصحي 24ساعه يعني...ثم بقي هجي اقعد معاك وبعدين زي مابقولك فاطمه طيبه حاولي تحبيها هتساعدك كتير اوي..
سلمي بتنهيده ماشي عرفها وقولي اجهز نفسي امته.
هشام اوك ماشي يلا سلام ياحبيبي.
فاطمه بستغراب جت من وراه بتكلم مين علي الصبح كده قفشتك..
هشام بتوتر ده هادي ياحبيبتي .
فاطمه مين امته بتقوله ياحبيبي ثم انا زعلانه منوا مشي من غير ما يشرب القهوه.
هشام حقك عليا اناا المهم بقي عايزك في موضوع ياحبيبتي مهم.
فاطمه ابتسمت موضوع ايه
عند انس ۏجع الفيلا ..
انس بزعيق لي بلال جت مروه علي الصوت ايه اللي هببته ده انت مچنون بتقولها سعاد الهبله بتقول لرائد كده.
بلال مش شايف طريقتها معايا انا غلطان اني روحت من الاول اصلا ثم بقي في حاجه علي الاقل سعاد الهبله دي انثي اما دي ايه ..دي جبله اناا مرضتش امد ايدي عليها دي بتستفزني.
انس بربع ضحكه تمد ايدك علي مين نسيت انك كنت متعلق علي الباب وكدا صح.
بلال بضيق يوووه مش هنخلص بقي بص احسن حاجه تسبني انام.
مروه خلاص يا انس سيبه انت مزعله الايام دي جامد.
بلال بغمزه حبيبتي يامرمر لو يجيلي عروسه زيك والله لو في سنك هتجوزها اما مش عارف ايه دي.
انس من حظك ياا ابني لو بقت مراتك يا ابني ارحمني ..ارحمني ياحبيبي افهم وارحمني لازم تتجوزها متتعبنيش بقي خليك انت ابني سندي هدخل صفقه مع ابوها هتبقي الحيا كويسه اوي بس انت بطل غباءك ده.
بلال حاضر يابابل بس علي فكره هيا ھتموت عليا اصلا فمش هتقدر ترفض.
مروه بضحك عرفت ازاي.
بلال بغمزه واحد زيي البنات ھتموت عليه لازم هيا تتجنن ولا ايه..
انس انت هتقولي انا ماشي رايح الشركه لاني لو قعدت هفلس علي ايدك مش هتيجي ولا هتنام وتكمل صايعه ..
بلال ابتسم انا فعلا ابنك لانك حافظني جدع بقي هنام وبعدين هكمل صايعه ياحبيبي .
في بيت شلبي.
تقي قاعده ټعيط في اوضتهاا بهستريااا .
حسني ما تحكيلي حصل ايه.
ناديه بخبث يمكن معجبهاش الاوضاع هتمثل بقي 
تقي بعياط وعصبيه انتي ملكيش دعوه انتي مالك بيا اشتغل مشتغلش حاجه متخصكيش
فاهمه ولا لاء .
ناديه بخبث وزعل مصطنع شايف يا حسني اللي بعملها زي بنتي بتكلمني ازاي.
تقي بعصبيه وعياط انتي مش امي انتي مش امي ..امي احسن منك الف مره انتي واحده اي كلام.
حسني رفع ايده پغضب وضړب تقي بي القلم اخرسي خالص يوم ما تكلمي ناديه اللي في مقام امك تكلميها بي طريقه احسن من كده انتي متربتيش ومشوفتيش الربايه انا هعيد تربيتي فيكي..
تقي مسكت خدها

وهيا بټعيط وناديه ابتسمت..
تقي كويس انك ضړبتني والقلم ده فوقني كتير فوقني بس لابويا اللي من دمي وضحلي اسباب اكتر من الاول وعلي العموم حاضر هشتغل والجزمه فوق دماغي..بس احب اقولك بعيط ليه..بعيط عشان المهندسه اللي اتعلمت سنين والمفروض تشتغل في احسن شركات هندسيه قعدتها في البيت .
بعيط عشان بعد قعد البيت قررت تشغلني وكانت شغلتي اللي مفيش منهاا وتشرف اني ابيع قهوه وشاي في دكنه...بعيط عشان انا روحت اودي قهوه للظابط اللي في القسم ما انا خدامه بقي وادلقت عليه وفضل يبهدل فيا زي ما يكون مليش اهل شكرا يا بابا شكرا اوي انا هنزل اكمل شغل ..وانتي ياا مرات ابوياا اسفه ليكي جدا انتي علي حق انا الغلطانه في كل حاجه.
سابتهم تقي ونزلت..
حسني حس انه قلبه اتقطع بس ناديه كملت لعبتهااا.
ناديه مالك زعلان ليه انت هتصدق دموع التمسيح بتاعتها هيا بتعمل كده عشان تقعدها في البيت او توافق تشتغل في شركه بره.
حسني بحزن بس مكنتش عايزاها تدخل القسم جوه ! وحد يبهدل فيهاا دي مهما كان بنتي.
ناديه بخبث اكيد بتألف بنتك لسانها طويل واديك شايف طريقتها بتألف وبتخترع كلام كڈب عشان انت تحزن.
حسني تفتكري
ناديه ببتسأمه خبيثه طبعا ياحبيبي هعمل انا بقي واحد قهوه يعدلك مزاجكك
حسني ماشي طيب..
عند فاطمه ..ما تخلص ياحبيبي بقالك ساعه بتقولي موضوع وساكت انا زعلتك في حاجه.
هشام لاء ياحبيبتي مزعلتنيش انتي بس وحشتني اوي.
فاطمه ابتسمت ياروحي انت وانت كمان وحشتني بس مش ده الموضوع اللي انت عايزني عشانه انا حافظك اكتر من نفسي لانك روحي قول ياحبيبي وانا سامعاك اهو..
هشام بتوتر بصي ياحبيبتي كان في ظابط صاحبي اوي.
فاطمه هادي
هشام بقولك كان فيه غير هادي يعني واحد بيشتغل معايا .
فاطمه اسمه ايه او ماله يعني 
هشام اسمه علي ماټ الله يرحمه.
فاطمه لا حول ولا قوه الا بالله العلي العظيم ربنا يرحمه ياحبيبي ده مضايقك ماټ امته.
هشام اسمعيني لي الاخر هو ماټ ياحبيبتي بقاله فتره المهم كان بيحب واحده ملهاش اي حد ولما اتجوزها وحملت ماټ قبل ما ېموت وصني عليهاا زي ما يكون قلبه حاسس فا انا بفكر ياحبيبتي نجيبها هنا تقعد معاكي الدكتور بيقول انها الحمل تعبها وانتي قلبك كبير وهتاخدي بالك منهاا لو هتضايقي يبقي اكنك مسمعتيش حاجه.
فاطمه ابتسمت ومسكت وشه روحي انت ابو قلب كبير طبعا موافقه من غير ما تسالني انا موافقه ياحبيبي خليها تيجي تنورني وهشيلها من علي الارض شيل واللهي .
هشام طول عمرك قلبك كبير ياروحي بحبك اوي.
فاطمه انا اللي بمۏت فيك اهم حاجه تكون راضي عني.
هشام انا راضي عنك في اي وقت ياحبيبي يعني اجيبها امته..
فاطمه ببتسامه اي وقت علي اما اجهزلهاا الاوضه اللي جوه دي..
هشام ماشي ياحبيبتي
فاطمه بس هيا موافقه تيجي
هشام ماقولتلك ملهاش حد انا بسال عليها