المغسله أم أحمد
اصلا تشتكي لأمها منك ليه
صباح
والنبي يابني انا ماعرف اديني اهو قاعده لا بيا ولا عليا هي اللي عماله تكلم امها في التليفون وتشتكي انا البت دي زهقت منها خالص
فوزي
انت عايزاني أطلقها ياما انا مش هينفع أطلقها انا بحب بسمه ومش هقدر اعيش من غيرها انا ااه باجي عليها وبضربها وهي بتستحمل لكن طلاق لا
صباح
وهو انا كنت قولت لك طلقها يابني وبعدين انت متمسك بيها كده ليه اش حال ياواد كانت مخلفه لك حتة عيل كنت عملت ايه بقا
مكنتش هعمل حاجة كنت هشيلها على راسي وبعدين موضوع الخلفه ده بتاع ربنا وانا مستني فرج ربنا وان شاء الله خير
صباح
طيب ياروح امك مراتك دعت عليا وهي بتكلم امها ايه مش هتجيب حق امك ولا ايه
فوزي
ازاى ياما انا هجيبها دلوقتي من شعرها تحت رجليكي تستسمحك انا طالع لها
وطلع فوزي لبسمه وقال لها
انتي بتدعي على امي يابسمة بقا دي اخرتها تدعي على امي ايه انتي مش لاقيه حد يلمك ولا ايه
انا هدعي على امك برضو يافوزي وهدعي عليها ليه أن شاء الله وبعدين ده امتى حصل الكلام ده
فوزي
النهارده وانتي بتكلمي امك في التليفون دعيتي علي امي وقولتي انك زهقتي منها هي سمعتك بودنها على فكرة
بسمة
هي امك تطلع تسمع كلامي مع امك لا وكمان بترجمة على مزاجها هي ايه الست دي
فوزي
اتكلمي كويس عن امي يابسمة انا بقول لك اهو
طيب يا فوزي انا فعلا كنت بكلم امي بس عشان اشتكي مش اكتر لاني تعبت وانت عارف اني تعبت منها ومن عمايلها مش كفايه مستحمله ضړبك ليا واهانتها ليا
فوزي
خلاص يبقا تكتمي وتنزلي تعتذري لها وخلاص والا قسما عظما يابسمة لو منزلتيش لكون....
بسمه قاطعته في الكلام وقالت له
بس بس خلاص اديني هدخل استسمحها عشان خاطرك ياخوي اي أوامر تانية ياراجلي
جرا ايه ياصباح انتي جايه ليه هنا تاني انتي مش المرة اللي فاتت قولتي مش هتاخدي العمل اللي كنت عملاه للراجل اياه
صباح
ااه ياختي منا كنت هاخده منك بس لوما اللي ماتتسمي ام احمد المغسلة كانت حاضرة معايا انتي عارفه لو مكنتش جات كنت جيت وخدته انما الوليه ام احمد دي بوررريه منها قال ايه مش بتحب الحاجات دي خالص والنبي انا حاسه انها لو زغللنا عيونها بالفلوس هتشتغل معانا هو لحد يقول للفلوس لا
طيب انتي جايه في ايه عايزة ايه يا صباح اخلصي انا مش فاضيه لكي
صباح
امسكي ياستنا ده قطر اللي تنخفي مرات ابني عايزاكي تعملي لها عمل مايخرش المايه عشان انا هاخدة واحط في
عطيات
وعايزه ايه بقا من مرات ابنك دي هي بتعمل فيكي ايه
صباح
دي يتفات لها بلاد البت دي علطول واخده ابني تحت جناحها ومش عارفه اتلم عليه بسببها مش كفايه التانية اللي خدت ابني وبعدو عني والنبي ياستنا انا عايزاه يشوفها قردة قدامة عايزة خړاب عندها
وفوقت من حكي صباح وقبل ما فوق سألتها وقولت
طيب يا صباح فين اللي حطيت العمل في بوقها قالت لي على مكانها وقالت لي اروح للتربي هو عارفها
وفعلا هو عمل كده ورحت وكان فوزي ماشي معايا وقالي
انتي واخدني على فين ياخالتي ام احمد انا مش فاهم حاجة
المغسلة
دلوقتي تفهم يافوزي المهم بس شوف التربي
خليه يفتح
لنا التربه دي بسرعه يابني
وجه الغفير اللي لما شافني ارتعش وقال لها
ام ام احمد ا اهلا ااا و و سهلا ياست الكل
بصت له بكل كره وغل وقولت له
ازيك ياجابر انا جايه لك من طرف صباح فاكرها ولا لا يا جابر
جابر
الا فاكرها الست صباح دي اجدع ست شوفتها في حياتي الا بالحق دي صحيح اټوفت انتي جاية لي من طرفها ازاى
المغسلة
ااه ماهي صباح لما راحت روحها حكت كل اللي حصل وكل اللي كنت بتعمله انت وهي في الأموات ودلوقتي افتح التربه دي خليني اخد اللي جايه عشان وامشي يلا ياجابر
فوزي
هو ايه الموضوع ياخالتي فهميني طيب
وفعلا التربي فتح ودخلت خرجت كل الأعمال اللي كانت مدفونه فيه واللي كانت في بوق المتوفيه وانا قولت لفوزي
امك يافوزي كانت بتعمل............ وحكيت لفوزي كل حاجة وقولت له
انت لازم تروح تصالح مراتك يابني وأهم حاجه انك تسامح امك وتطلع ليها حاجة لله وتبقا تدعي لها وخلاص هي اتدفنت دلوقتي والحمد لله خفننا عنها شوية
ورجع فوزي مراتة بعدها علطول وعاش هو ومراتة في سعادة وخلفو ابنهم ورجع سعيد مها البيت والكل عاشو في سعاده
وبكده تكون خلصت حكايتي
