روايه ممتعه جدا

انعكاس وشي.. أقصد وشها في كل حاجة!
في إزاز الشباك الدولاب الساعة لأ.. لأ لقيتني بمسك الإزاز بتاع المراية أقصد وشها! اسكتي اسكتي بشړ..ح كنت بضحك كنت سعيد لحد ما.. ما حسيت إن بدأ يغمى عليا! ووقعت على الأرض!
صحيت في المستشفى أبويا وأمي كانوا منهارين عرفت من الصوت لإن كان وشها لسه موجود على وشوش كل اللي حواليا ماعدا وشي لإنه بقى عبارة عن شاش ملفوف بيه مش باين غير عينيا أنا حياتي اټدمرت بسببها مبقتش عايش حياة طبيعية أنا وحشني وش أمي وابويا الناس وحشتني كنت بعيط على حالي لقيتني مضطر امسك الموبايل كانت منزلة بوست بكره يرجع ندمان .

أنا معرفش هى بتعمل ده ازاي بس كلمتها قولتلها أنا آسف ايه اللي يريحك! مكنتش بترد فضلت أقولها أنا ندمان ومش عارف أعيش من غيرك سامحيني بس كل شيء يرجع زي ماكان قالت كلمتين موافقة.. بس نرجع قلبي اتقبض لما قالتها بس قولتلها أكيد وقالت عايزه نتكلم ڤيديو كول وفتحنا نفس الوش اللي حفظته المرعب..
لما شافت وشي متحاوط بالشاش قالتلي أشيله لما شيلته وشوفت أبشع وش أشوفه في حياتي! لقيت ملامحها بقت مقتضبة وقالت للأسف احنا مش هينفع نكمل! على قد ما حسيت بالقهر على وشي اللي باظ بس الجملة فرحتني! لقيتها بتكمل بالمناسبة.. فاكر سمر! أيوه.. سمر دي بنت فضلت أكلمها فترة كبيرة وحبيت شخصيتها وجمالها زي ما في الصور وهى اتعلقت بيا جدا بس للأسف لما نزلت قابلتها مش عارف ايه اللي حصل!
يمكن محستش إنها جميلة زي ما كنت شايف صورها حسيت إني اتخدعت! المكياچ والفلتر كانوا مغيرين شكلها تماما وهى حبت تكون واضحة معايا من أول مقابلة ومع الأسف لقيتني مش عايز أكلمها تاني واتهرب منها لحد ما بطلنا كلام لقيتها بتكمل البنت دي كانت بټعيط كل يوم في الحمام بسببك كنا.. كلنا بنسمعها كنا بنشوفها قدام المراية وهى كارهة شكلها بعد ما فقدت الثقة في نفسها بسببك! بسببك حياتها اټدمرت وبقت شخصية منعدمة الثقة في نفسها وكارهة كل البشر.
أنتوا! أنتوا مين! كملت ومش بس كده لو متعرفش ف احنا شوفنا في يوم في الحمام وهى سمر ! كانت بتكمل ومن ساعتها وأنا قررت انت..قم بس.. مكدبش عليك أنا لما اتكلمت معاك.. حبيتك زيها يمكن.. أكتر! وعشان كده كنت واضحة معاك من البداية خالص عشان كده عملت كل ده بس سامحني أنا برضو زيك.. بالنسبالي الشكل مهم وانت شكلك بقى بشع! ف اتمنى تكون اتعلمت الدرس وتبطل تلعب ببنات الإنس وال.. 
خلصت كلامها وبعدين لقيتها عملتلي بلوك بس أنا
لسه واقف عند كلام كتير مش فاهمو هم مين! وشافوها ازاي! لقيت كذا رسالة جايالي على الماسيچ ريكوست من أكونتات غريبة أكونتات أسمائهم غريبة وحاطين صور بروفايل م.. مرعبة! ساعتها قفلت الاكونت ومسحت الفيس وقررت أقطع علاقتي بالسوشيال ميديا وأعيش الباقي من حياتي بوش مشوه بس.. بس في رسالة جاتلي ع الواتس من يومين من رقم أعرفه كان مكتوب أنا بس نفسي أفهم ليه! كانت.. كانت من رقم سمر!
محمد_عبد_القوي 
ڤيديو_كول
غير_مألوف