انت ام هو
المحتويات
بټعيطي ليه اوعي يكون اللي فدماغي !!
إزاي واحشك إزاي قلبك مكرهوش بعد ما سابك انت وبنتك وطلقك والبنت مكملتش سنتين إيه يا هيام إنت مصرة تتعذبي معاه ومن غيره
قلبي مش راضي يقسى عليه يا بسمة حاسة إنه سابني ڠصب عنه
هتفضلي كده يا هيام لحد ميجيلك خبر جوازه ولا ساعتها برضه هتدوريله على حجة
لو سمحتي يا بسمة كفاية أنا بجد مش ناقصة
لا مش هقدر انزلي إنت ولو وعد هتتقل عليكي سيبيها
بتقولي إيه يا هيام وعد مش بنتك لوحدك وعد بنتي وأخت سند
ربنا يخليكي ليا إنت وسند يا رب
أنا هيام 27 سنة إتجوزت من خمس سنين وحملت بعد جوازي بسنة في بنتي وعد بعد سنتين من الولادة اتطلقت كنت بحبه وهو محبنيش لأنه كان بيحب قبلي بنت خالته واټوفت مقدرش يتقبل بنته وحس انه مبيحبهاش فمرادش يظلمها وسابنا قال يعني كده مظلمهاش...
كنت قاعدة لوحدي بعد ما بسمة والولاد نزلوا قلت اعملهم حاجة حلوة على ما يجوا بس ملقتش دقيق كنت عايزة اعملهم مفاجأة فقلت أنزل اشتري بسرعة واجي..
نزلت واشتريت وأنا راجعة بفتح الشنطة أحط الفلوس لقيت اللي بيشدها مني جامد اټفزعت وحاولت أشدها منه لكنه فضل يزق فيا لحد موقعت على الأرض جه يلف عشان يجري لقيت واحد مسكه من دراعه جامد وضربه بوكس في وشه وأخد منه الشنطة وسابه جري...
شكرا معلش أنا هقوم لوحدي..
مټخافيش
مش خاېفة
طب ليه ماشية لوحدك في حتة زي دي في الوقت ده
كنت بشتري حاجة واضطريت ارجع من هنا عشان محدش يشوفني
محدش يشوفك
ضحكت اه كنت بشتري حاجات عشان اعمل بيها كيكة لأختي وابنها هما نزلوا من بدري وانا كنت عايزة افاجئهم لما يجوا
لا مش عيد ميلاد أصلا.. انا عايشة معاها اصل أنا ....
انتي ايه
اتكلمت بصوت عالي هو إنت بتتكلم معايا كده ليه أنا أعرفك انت مالك عيد ميلاد مين انت ما صدقت
اهدي شوية في إيه كنت بسأل لو كان عيد ميلاد الولد الصغير اجيبله هدية وبالمرة ابقى اتعرفت عليكوا... أنا لسة ساكن هنا من كام يوم ولوحدي أصلا قلت أتعرف عليكوا نبقى جيران وصحاب
ثانية بس..
مردتش عليه ومشيت بسرعة وصلت العمارة بتاعة اختي ولسة هقفل باب العمارة لقيت اللي بيفتحه
انت ازاي تتجرأ وتيجي ورايا لحد هناا
أجي وراكي فين انا شقتي هنا
يا سلام.. أنا عايشة هنا بقالي سنة وعمري ما شفتك
هو أنا مش قلتلك اني ساكن جديد لسة مشتري الشقة من شهر وساكن بقالي كام يوم
بتقولي حاجة
لا أبدا.. عن إذنك
سبته وطلعت وهو استنى لما طلعت وطلع ورايا كنت لسة بفتح باب الشقة لقيته بيفتح الشقة اللي جنبنا !!
دخلت الشقة وقفلت الباب في وشه بعصبية من غير حتى ما اقوله عن اذنك دخلت عملت الكيكة ودخلتها الفرن ومخدتش بالي من الوقت.. بسمة والولاد اتأخروا أوي بقالهم أربع ساعات برة والليل جه اتصلت على بسمة كتير جدا مردتش ابتديت اقلق اوي استنيت ساعة تانية مجوش ملقتش حل غير إني طلعت خبطت عالشقة اللي جنبي وهو فتح...
السلام عليكم
وعليكم السلام
أنا آسفة اني بخبط في وقت زي ده بس أختي والولاد لسة مرجعوش من برة بقالهم خمس ساعات وبكلمها تليفونها مقفول انا خاېفة يكون حصلهم حاجة
كنت بتكلم بسرعة و الدموع في عيني لقيته طلع وقفل باب الشقة
اهدي.. تعالي معايا
نزلت أنا وهو وفضلنا ندور في كل مكان كنت معتقدة اني ممكن الاقيهم فيه بعد ساعة لقيت اتصال من رقم مش مسجلاه رديت لقيتها بسمة
بسمة ! انتوا كويسين
الولاد كويسين متقلقيش
خبطنا واحد بالعربية ووديناه المستشفى والتليفون فصل معرفتش اكلمك
اتكلمت بزعيق ودموع كنتي تكلميني من أي تليفون عندك يا بسمة انتي صغيرة حرام عليكي وقعتي قلبي بقالي ساعتين بدور عليكي
انا آسفة يا هيام كانوا هيعملولنا محضر كنت متلخبطة ومش عارفة
اتصرف
طب
ايه اتنازلوا
اه الحمدلله
طب يلا تعالوا بسرعة
ماشي بس اهدي متعيطيش.. سلام
قفلت معاها وبصيتله بتعب
ها اتطمنتي عليهم
اه الحمدلله.. انا مش عارفة اشكرك إزاي على موقفك معايا
تشكريني بتاع إيه الناس لبعضيها وبعدين الحمدلله انهم بخير
ربنا يخليك
طب يلا تعالي أوصلك
لا بص أنا اسفة بس مش هينفع
مش هينفع ليه
مكانش ينفع اركب معاك من الاول بس انا كنت مضطرة فبعد اذنك ارجع لوحدك وانا هرجع لوحدي
ممكن بس...
قاطعته أنا مطلقة.. عن إذنك
مشيت وهو حتى محاولش يوقفني رجعت البيت دخلت وبعد نص ساعة بسمة وسند ووعد جم
سهرنا شوية ونمنا
عدى أسبوع على اليوم ده مشفتش الشخص اللي معرفش حتى اسمه ده خالص مع اني بنزل اتمشى أنا وبسمة والولاد كل يوم بس ولا مرة صادفته
بسمة هو سند فين
راح يلعب مع سيف ابن جيرانا اللي جنبنا ساكن جديد ولسة سند متعرف عليه
طب أنا هروح أندهله عشان ياكل
طب ماشي واعزمي سيف ياكل معانا اهو بالمرة اعرف سند بيلعب مع مين
ماشي هو في أنه شقة
اللي جنبنا عالشمال
عالشماال !!
استغربت إنها نفس شقة الشخص اللي ساعدني ده.. هو كان قايلي إنه لوحده
رحت خبطت على الباب لحد ما فتح
احم... السلام عليكم
وعليكم السلام
هو سند هنا صح
أيوة سند جوا
احم.. طب ممكن تنادي عليه
حاضر ثانية واحدة
دخل وبعد شوية خرج هو وسند وسيف
بصيت لسيف إزيك يا صغنن
سيف كويس وانتي
الحمد لله يا حبيبي إيه رأيك تيجي تتغدى معانا أنا عازماك
سيف بص للشخص فقاله روح لو عايز
ابتسمتله وأخدت الولاد ولسة هطلع وقفني وقالي
احم... هو أنا ممكن أعرف إسمك إيه
هيام
وأنا محمد.. أنا بس عايز أعرف إبني هيبقى مع مين يعني
وعرفت من إسمي يعني
ضحك وقال كله بيتعرف بعد الاسم
عملت نفسي مش سامعة واخدت الولاد ودخلنا شقتنا اكلنا واديت لسيف بسكويت وعصير من عندنا وخليت سند يوصله لشقته
عدى اسبوع وفالأسبوع ده طارق زوج بسمة كلمها وقالها إنه هايجي النهاردة...
جهزت حاجتي عشان أرجع شقتي لما يجي
وبالفعل لمېت كل الهدوم واخدت كل حاجة تخصني.. كان طارق جه سلمت عليه و سلمت على بسمة وسند واخدت وعد ونزلنا رحنا على أول الشارع فضلنا مستنيين تاكسي كتير بس ملاقيناش فقررت امشيها المسافة مش بعيدة يعني مشي نص ساعة تقريبا
فات ربع ساعة لقيت وعد تعبت وعايزاني اشيلها وطيت عشان اشيلها ولسة بطلع لقيت عربية جاية بسرعة خبطت فينا وقعت أنا ووعد على الأرض بس الحمد لله مفقدناش الوعي
الله ېخرب بيتك هتلبسيني مصېبة في حد يقف في نص الطريق كده
نزل من العربية واتكلم بعصبية
بصيتله ولسة ههزأه لقيته هشام ... طليقي !
البارت التاني
أنت_أم_هو
هو البارت نزل واتمسح ليه
هيام !!
هشام !!
إنتوا كويسين
أه الحمد لله
أنا اسف والله مخدتش بالي إنه انتوا
يعني لو كان حد تاني كنت خبطته عادي
مش قصدي والله طب إيه انتوا رايحين فين
راجعة شقتي.. كنت عند بسمة
طب يلا اركبوا
نركب فين
هوصلكوا
توصلنا فين يا هشام
متابعة القراءة
