لعبتي
المحتويات
دي صورة ابنى ياقمر انتى
ايه رايكم ياجماعه
بسم الله ماشاء الله ياطنط ربنا يخليه ليكى
بقولك ياقمر انا طلبه ايدك لابني مازن ايه رايك
ونظرة لوالدى وولدتى لا مؤخذه انى باخد رأيها الاول صحيح انتوا الخير والبركه بس برضو هى العروسه وهى اللى هتتجوز
ها ياعروسه ماتقولى رايك خليني ابدا الكلام مع والدك ووالدتك
والدتى هو فى عروسه دلوقتى بتقول رأيها على العريس بالصوره
اعمل ايه بس فى ظروف شغله أصله الكل فى الكل هناك ما يقدروش يستغنوا عنه لحظه فهو طلب منى انى اخطب له ويبقوا يتواصلوا على النت بقى مع بعض وبعد كده هيبت توكيل للابوه ويكتب الكتاب وأبوه يوصله الوا لحد هناك وهو كل حاجه هناك جاهزه الشقه والعربيه كله كله المشكله الوحيده عنده الوقت مابيقدرش ينزل خالص كل سنه يبعت ياخدنا زياره نشوفه ونرجع العيشه هناك حاجه تانيه والله وماليكوا عليا حلفان ما بقاش عاوزه ارجع
وهو قال لى كل اللى العروسه تطلبه ياماما يتجاب ومايهمكيش الفلوس وخصوصا لما وريته صورتك وهو كل يوم يتصل يسأل ها رحتي ياماما
ان شاء الله بعد ما نتفق هتصل عليه اطمنه واخليه يكلم العروسه شويه دا بعد اذنكم طبعا
والدي يعنى للدرجه دي مش قادر ينزل ولو شهر يشوفوا بعض ويتعرفوا على بعض
والله يا ابو قمر لو كان ينفع كان نزل اصل شغلته حساسه وخطړ جدا وماحدش يقدر يحل محله هناك وللاسف العقد اللى عامله متفق فيه على كده مافيش اجازه غير العطله الاسبوعيه وحتى دى بيطلبوه فيه وبيعطوا ليه بدل عليها فلوسهم هناك حلوه اوى
ورجعت نظرت لوالدي وقالت وبعدين ماطول عمرنا لا كنا بنقعد مع عريسنا ولا بنشوفه الا بعد الجواز لولاش بس موضت اليومين دول يالا بقى كل جيل وليه عاداته المهم قولتوا ايه احنا هنخدها بشنطة هدومها ولا اقولكم حتى الشنطه
مش عوزنها
والدتى زغرطي يا اختى زغرطي
وفعلا اتفقوا على كل حاجه وبدأ الاتصالات بينا والكلام وكان انسان محترم وكويس وارتحت له وفى مكالمه قال لى انا هبعت والدتى عشان تحدد وقت كتب الكتاب انا خلاص خلصت اجراءات التوكيل انا منتظرك على فارغ الصبر
وفعلا تانى يوم والدته جت وحددت مع والدى كتب الكتاب بعد يومين وكتبنا الكتاب وهو كان معانا لايف أثناء كتب الكتاب كنت شايفه السعاده على وجه وكنت سعيده انا كمان لحد ما اخدنى ابوه وسافرنا عشان اوصل هناك واټصدم صدمت عمري اللى خلتني مش قادره اقف على قدمى والدنيا لفت بيا وساعتها ما بقتش قادره اصدق عينى
متابعة القراءة
