قصة اعارة

فى شقه قديمه
رمزى أنتى بتقولى إيه ده .. أنا مستحيل أوافق بكده ... هو ده سؤال أصلا انتى أكيد .
سهير و ليه بس يا رمزى هو مش إحنا مقدمين بنفسنا فى الإعارة دى .
رمزى مقدمين انا و انتى مع بعض أو حتى تجيلى و اخدك معايا.
سهير طب نعمل ايه حظنا كده مش مطلوب دلوقتي مدرسين فيزيا بس مطلوب مدرسين انجليزي و العقد جالى و برقم قادر يصلح حياتنا و حياة ولادنا .

رمزى انتى سامعه بتقولى إيه عايزه تسافرى لوحدك ... ده مستحيل ابدا.
سهير المستحيل الى بجد هو إننا نفضل عايشين كده .
رمزى نصيبنا .. الرضا بالمقسوم عباده يا سهير.
systemcode ad autoads
سهير و لو جت لنا فرصه نغير نصيبنا و إحنا الىي و قولنا لأ ما يبقاش حرام بذمتك طب بلاش هتقول ايه لولادك بعد ما يكبروا و يعرفوا إن كان ممكن كل حياتهم تتغير ١٨٠ درجه بس أبوهم وقف قصاد ده و خلاهم فى نفس العيشه و المستوى ده .
وقف من مكانه و قال الكلام معاكى هيوصنلى لمرحله مش حلوه خلى بالك من كلامك ده عشان عيب و عيب اوى كمان .... عيالى و بيتى انا كفيل أصرف عليهم مالكيش انتى دعوه إلا إذا كانت العيشه مش عجباكى ساعتها يبقى فى كلام تانى .. أنا رايح أبص على امى أحسن.
فى بيت أمه.
الأم مالك يا واد.
رمزى مافيش ياما سلامتك.
الأم تسلم و تعيش يا حبيبي بس قولى مالك أنا أمك و حفظاك و أنت فيك حاجه.
systemcode ad autoads
اتنهد رمزى و حكى لها أنا و سهير كنا مقدمين فى تقديمات للشغل برا و كانوا طالبين مدرسين هى الماده الى بتدرس فيها مطلوبه لكن أنا لأ فالوظيفه جت لها هى و بمرتب ماكناش نحلم بيه .
الأم همممم و بعدين .. بقا فكرت و روحت و قدمت و كمان كنت ناوى تسافر و لا فكرتش تشور على أمك حتى .. كمل يا ضنايا كمل .. كنت عايز تسيبنى و تسافر.. كمل كمل.
رمزى يعنى
انتى شوفتيها جت