رواية لعبة في يده بقلم يسرى مسعد
المحتويات
الفصل الاول
انتى طالق .....
قالها ايهاب بحسم
فتحت سالى عيناها البنيتان ظنت ان تلك الكلمات البغيضه تتردد فى الاجواء مجددا
انه نفسه ذاك الحلم الذى يؤرق مضجعها مرارا وتكرارا منذ ان طلقت من زوجها قبيل ليله زفافهم بثلاثه ايام فقط منذ عام مضى
لاتزال تشعر سالى بنفس الغصه التى شعرت بها بعد طلاقها
رفعت سالى جسدها بصعوبه واتكأت فى جلستها فى سريرها تحاول استجماع ذاتها
سالى صباح الخير يا ماما
مجيدهالام صباح الخير يا لولو صاحيه بدرى النهارده يعنى
سالى ااه اصلى نازله اشوف شغلانه كده لقيت اعلانها ادعيلى
مجيده ربنا يوفقك يابنتى فى مستشفى قريبه مننا
سالى هه. لاء مش مستشفى المرادى
مجيده امال ايه مستوصف
مجيده ايه شركه والشركه دى كبيره يعينوا فيها دكاتره اسنان يعنى
ابتلعت سالى ريقها وقالت لاء ماهما مش عايزين دكاتره هما عايزين سكرتيره
مجيده سكرتيره!!!!!! ايه يابنتى الكلام اللى بتقوليه ده ومالك انتى ومال الشغلانه دى
سالى ماهو يا ماما مش احسن من قعدتى وبعدين السكرتيره بتعمل ايه انا مابعرفش اعمله والمرتب اعلى من مرتبى فى الحكومه ولا اربع مرات
الصوبات اكلت عقله زى ماعقلك خلاص راح .اخر تعبى فيكى تشتغلى سكرتيره
دخل محسن الغرفه ليجد زوجته غاضبه فيما تقف ابنتهما وتبدو عليها علامات لنفاذ الصبر وقله الحيله
محسن صباح الخير يا لولو ايه مالك مطلعه صوت ماما ليه على الصبح كده
محسن براحه براحه يا مجيده ضغطك هيعلى تانى
سالى يا ماما حصل ايه لده كله
مجيده حصل ايه انتى مش حاسه بالوكسه اللى انتى فيها عايزه توكسى روحك بزياده
احمر وجهه سالى على الفور وترقرقت الدموع فى مقلتيها فرمق محسن زوجته بنظره غاضبه ثم قال تعالى.. تعالى ..يا لولو احكيلى بره عبال ما ماما تهدى ولا اقولك روحى اعمليلها كوبايه كركديه
انطلقت سالى الى المطبخ فيما قال محسن ايه يا مجيده كل شويه تبكتى فى البنت كده حرام عليكى مش كفايه كسره نفسها حصل ايه احكيلى ووطى صوتك من فضلك
مجيده ماهو من حسره قلبى عليها وهيا ولا على بالها صاحيه وعايزه تروح تقدم على وظيفه سكرتيره ينفع بذمتك بنتك الدكتوره تشتغل سكرتيره ايه بنشحت ولا مش لاقيين نأكلها
مجيده يعنى انت شايف كده
محسن ااه سيبها تخرج وبدال ماتقفليها
متابعة القراءة
